Bu gün Nəsimi rayon Məhkəməsində “BMW” idxalçısı “İmprotex Motors”un işinə baxılacaq.
Tribunainfo.az xəbər verir ki, “BMW” idxalçısı “İmprotex Motors” gömrük qaydalarını pozduğu üçün məhkəməlik olub. MMC ilə bağlı cərimə protokolu tərtib edilib. Məlum olub ki, “İmprotex Motors” İnzibati Xətalar Məcəlləsinin gömrük qaydaları əleyhinə olan 485.2-ci maddəsini pozub. Tələbi pozulan maddəyə əsasən, Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə, vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.
“İmprotex Motors”la bağlı işə bu gün saat 15:30-da Nəsimi rayon Məhkəməsində baxılacaq. göndərilib. İş hakim Elməddin Hüseynovun icraatındadır.
Qeyd edək ki, cərimə edilməsi gözlənilən “İmprotex Motors” şirkətinin baş direktoru Bayram Yaqubovdur. Şirkətin qanuni təmsilçisinin keçmiş əmək və əhalinin sosial müdafiəsi naziri Fizuli Ələkbərov olduğu deyilir.
Qarşı tərəfi dinləməyə hazırıq.
