Gəncə şəhər İcra Hakimiyyəti bir ailə tərəfindən məhkəməyə verilib.
Tribunainfo.az xəbər verir ki, Gəncə İH-lə bağlı iddianı Nəsirovlar ailəsi qaldırıb. İddiaçılar Nəsirov Kənan, Nəsirov Nicat, Nəsirova Elmira və Nəsirov İslamdır. İşin mahiyyəti inzibati orqanların aktları və hərəkətləri ilə əlaqədar mübahisədir.
Vətəndaşla icra hakimiyyəti arasındakı məhkəmə çəkişməsi ötən ilin sentyabr ayından başlayıb. Tərəflər arasında növbəti proses 19 fevral tarixində baş tutacaq. Gəncə Apellyasiya Məhkəməsində baxılan işə hakim Şamil Rzaquliyev sədrlik edir.
Qeyd edək ki, Gəncə şəhər icra hakimiyyətinin başçısı Niyazi Bayramovdur.
Tərəfləri dinləməyə hazırıq.
Nigar
