2005-ci ildən parlamentdə yer alan bitərəf deputat Ülvi Quliyevim bu dəfəki seçkilərdə iştirak edəcəyi gözlənilmir. Tribunainfo.az-ın məlumatına görə, Ülvi Quliyev 20 ildir deputat mandatına sahibdir və növbəti parlament seçkilərində namizədliyini irəli sürəcəyi istisna edilir.
Əsasən biznesi ilə gündəmə gələn Ülvi Quliyev parlamentdə aktiv deputatlardan sayılmır.
Onun Avropadakı bizneslərinə Orxan adlı oğlunun rəhbərlik etdiyi bildirilir. Bu barədə bir müddət öncə Avropada yaşayan araşdırmaçı jurnalist Cavanşir Həsənli də məlumat paylaşmışdı.
Bildirilir ki, Ülvi Quliyevin ən böyük bizneslərindən biri İngiltərədəki GUANO LİMİTED (qeydiyyat nömrəsi 06353306) 2007-ci ilin avqustun 28-də London apartment 103, Astra house 23-25 Arklow road ünvanında qeydiyyatdadır.
Bu şirkətin təsisçisi Bakı şəhəri, Səməd Vurğun küçəsi 6 ünvanında qeydiyyatda olan 1989-cu il avqust təvəllüdlü Orxan Quluzadədir.
Ülvi Quliyevin Bakıda da böyük biznes şəbəkəsi var. Belə ki, o, Bakı şəhərində yaşayış binalarının tikintisi ilə də məşğul olur.
