Ukrayna Baş Kəşfiyyat İdarəsinin rəisi Kirill Budanov deyib ki, Azərbaycanın sərnişin təyyarəsi Rusiya raketi ilə vurulub.
Tribunainfo.az xəbər verir ki, Budanov “The War Zone” nəşrinə açıqlamasında belə deyib: “Bizdə olan məlumata görə, təyyarə Rusiya ərazisində Rusiyanın Pantsir-S1 zenit-raket kompleksi tərəfindən vurulub”.
Bir daha qeyd edək ki, dekabrın 25-də Bakıdan Qroznıya uçan Azərbaycan Hava Yollarına məxsus təyyarə Qazaxıstanda qəzaya uğrayıb. Dekabrın 26-da “Euronews” Azərbaycan hökumətindəki mənbələrə istinadla xəbər verib ki, Qroznı səmasında pilotsuz uçuş aparatlarının uçuşu zamanı təyyarə Rusiyanın yer-hava raketi ilə vurulub.
