Jurnalist Fikrət Fəraməzoğlu əmək və əhalinin sosial müdafiəsi naziri Sahil Babayevin Nobel mükafatına namizəd irəli sürülməsini təklif edib. Tribunainfo.az yazır ki, o, bunu nazirin absurd əməlləri ilə əsaslandırıb. “Sahil Babayevin Nobelə gedən yolda daha bir “kəşfi”.
Nazir vərəm xəstəliyinin müalicəsini tapıb. Bu səbəbdən də 15 ildir vərəm xəstəsi olan, hər il dispanserdə müalicə alan vətəndaşın pensiyasını kəsib. Nazirlik “isbat” edib ki, vərəm xəstəsi sağalıb. P.S. Ermənilər dılğır Vardanyanın namizədliyini veriblər. Biz isə gözümüzün önündə batan istedadı, tibb elmində “xarüqə”lər yaradan, bütün sağalmaz xəstəlikləri sağaldan naziri gözardı edirik. İstedadlar batmasın, Sahil Babayev Nobelə çatsın!”
