Trampın prezident seçkilərində qalib gəlməsindən sonra bitkoinin rekord qıracağı proqnozlaşdırılırdı, lakin dünən bitkoin 24 saat ərzində 5% dəyər itirərək 100 min dolların altına düşüb.
Tribunainfo.az xəbər verir ki, bitkoin mütəxəssislərinin fikrincə, buna səbəb Federal Açıq Bazar Komitəsinin (FOMC) iclasının və Çin mərkəzli DeepSeek süni intellekt texnologiyasının təsiridir.
Bildirilir ki, yüksək faiz dərəcələri və artan satış təzyiqi səbəbindən kriptovalyutanın dəyəri qısa müddətdə daha da azala bilər.
BitMEX-in qurucusu Artur Hayes xəbərdarlıq edir ki, uzunmüddətli perspektivdə bitkoinin üçün müsbət dəyərə malik olsa da, qısa müddətdə onun qiyməti 70 min dollara düşə bilər. Bununla belə, mərkəzi bankların inflyasiya rəqəmlərindəki yaxşılaşmalar istiqamətində həyata keçirəcəkləri genişləndirici pul siyasətinin bitkoin qiymətlərini 250 min dollara qədər artıra biləcəyi də iddia edilir. Bitkoin son ticarət sessiyasında 1,05% artaraq 102 706 dollardan ticarətə başlayıb.
Çində yerləşən süni intellekt şirkəti DeepSeek-in aşağı qiymətli süni intellekt texnologiyası dünya miqyasında texnologiya ehtiyatlarında böyük satış təzyiqi yaradıb. Bu təzyiq kriptovalyuta bazarlarına da mənfi təsir göstərərək riskli aktivlərin dəyər itirməsinə səbəb olub.
Xüsusilə, NVIDIA bir gündə dəyərinin 10%-ni, yəni 500 milyard dollar itirdi. NVIDIA-nın səhmləri cümə gününün bağlanışında 142,62 dollar olduğu halda, dünən 117,26 dollara düşüb. Bu itki 18% dəyər itkisinə uyğundur.
FED faiz qərarını bu həftə cümə axşamı günü açıqlayacaq. Kriptovalyuta bazarlarının reaksiya verəcəyi bu açıqlamada faiz dərəcələrinin sabit qalması gözlənilir. CME-nin FedWatch alətinə görə, faiz artımı ehtimalı 0,5% səviyyəsindədir. FED-in faiz qərarı bazarlara böyük təsir göstərə bilər və xüsusilə kriptovalyuta investorlarının qərarlarını formalaşdıra bilər.
