Qlobal bazarda bitkoinin qiyməti 6 000 dollar səviyyəsini ötüb.
Qlobal bazarda bitkoinin qiyməti 6 000 dollar səviyyəsini ötüb. “Report” xəbər verir ki, hazırda bitkoin dünənə nisbətən 320 dollar və ya 5,6% bahalaşaraq 6 015 dollara satılır.
Bir müddət əvvəl Çin, Rusiya və Avropa İttifaqı (Aİ) bitkoinin ilkin emissiyasına (IPO) qadağa qoyacağını bildirdikdən sonra bitkoinin qiyməti 2 həftə ərzində 40% azalma ilə 5 000 dollardan 3 000 dollara qədər geriləyib. Daha sonra isə Beynəlxalq Valyuta Fondu (IMF) kimi önəmli maliyyə təşkilatının bitkoinin legitimliyini tanımasını açıqlamasından sonra tələbin canlanması ilə yenidən yüksəlmə başlayıb.
Xatırladaq ki, beləliklə ilin əvvəlindən bitkoinin qiyməti 6 dəfə bahalaşıb. Bahalaşmanın davam edəcəyi gözlənilir.
