Günəş enerjisi sahəsində ixtisaslaşan “Dracula Technologies” şirkətinin fizikləri bu dəfə mobil telefonları bu enerji növü ilə tez bir zamanda təmin edəcək xüsusi üsul hazırlayıblar.
Günəş enerjisi sahəsində ixtisaslaşan “Dracula Technologies” şirkətinin fizikləri bu dəfə mobil telefonları bu enerji növü ilə tez bir zamanda təmin edəcək xüsusi üsul hazırlayıblar. Onların ixtira etdikləri plastiklər işığın köməyi ilə istənilən telefonu enerji ilə doldurmağa imkan verir.
Moderator.az xarici mediaya istinadən xəbər verir ki, 5 qatlı cərəyan keçirən plastik təbii və süni işıqlandırma mənbələrindən daxil olan enerjini toplayır və elektrik enerjisinə çevirir.
Bunun üçün ixtira edilən plastiki- “LAYER”-i dərhal telefona yapışdırmaq və ya böyük yarpaq şəklində çap edərək daha çox işıq qəbul edən səthə bərkitmək, bundan sonra qurğuya qoşmaq olar.Fransız startapının həlli hələ ki otaq şəraitində enerjini effektiv toplamır, çünki süni işıqlandırmanın intensivliyi təbii işıqlandırmadan aşağıdır. Lakin alimin komandası texnologiyanın təkmilləşdirilməsi üzərində işləyir.
