“Bir insan, bir ailə, bir ölkə” layihəsi Masallıda uğurla reallaşıb

Masallı Rayonunda fəaliyyət göstərən “Ümidim sənsən” İctimai Birliyinin “Bir insan, bir ailə, bir ölkə” layihəsi Masallı rayonunda ailə dəyərlərinin gücləndirilməsinə yönəldilmiş təşəbbüsü kimi müvəffəqiyyətlə başa çatıb.
Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə reallaşıb. Belə ki, 2023-cü ilin sentyabr ayında rayonun 5 ərazisində – Ərkivan qəsəbəsi, Türkoba, Hişkədərə, Qızılağac və Göyəçöl, kəndlərində QHT- lərə Dövlət Dəstəyi Agentliyinin tələblərinə uyğun maarifləndirici tədbirlər keçirilib. Adı çəkilən ərazilərdəki görüşlərdə yüksək fəallıq şəraitində keçib və yerli sakinlər tərəfindən razılıqla qarşılanıb. Ümumilikdə tədbirlər 5 ərazidə keçirilib . Hər ərazidə 20 nəfər olmaqla ümumilikdə tədbirlərdə 100 nəfər iştirak edib.