Konqresdən əlavə büdcə tələbi dalana dirəndiyi halda, ABŞ prezidenti Bayden bildirib ki, Ukrayna uduzsa, Rusiya ilə döyüşməli ola bilərlər.
Tribunainfo.az CNN-ə istinadən xəbər verir ki, ABŞ Konqresinin Respublikaçılar qanadı ilə Ağ Ev arasında Ukraynaya yardım ilə bağlı fikir ayrılığı getdikcə dərinləşir.
Xüsusən də Ukraynanın ötən ilin iyununda başlayan əks-hücumundan gözlənilən nəticələr alınmadıqdan sonra Kiyevə yardım ABŞ siyasətində mühüm müzakirə mövzularından birinə çevrildi.
ABŞ prezidenti Co Baydenin xəbərdarlıqlarına baxmayaraq, Ukraynaya yardım da daxil olmaqla, 106 milyard dollarlıq əlavə büdcə tələbi ilə bağlı danışıqlar Senatda səsvermə yolu ilə əngəlləndi.
