Realliq.info saytının baş redaktoru İkram Rafiqoğlu Sumqayıt şəhər məhkəməsinin qərarı ilə CM-nin 147.2-ci maddəsinə əsasən 1 il azadlıqdan məhrum edilib. 
Realliq.info saytının baş redaktoru İkram Rafiqoğlu Sumqayıt şəhər məhkəməsinin qərarı ilə CM-nin 147.2-ci maddəsinə əsasən 1 il azadlıqdan məhrum edilib.
Bu barədə TİA.AZ-a “Bakunews.az” saytının təsisçisi Mirkənan Seyidov məlumat verib.
Qeyd edək ki, Realliq.info saytının baş redaktoru İkram Rafiqoğlu mətbuata açıqlamasında xüsusi ittiham qaydasında məhkəmə tərəfindən icraata götürülən işin ona aidiyyatı olmadığını, “Hürriyyət” qəzetində dərc olunan məqalənin müəıllifinin başqası olduğunu və qəzetin deyil, onun məhkəmədə təqsirləndirilən şəxs kimi iştirakının tələb olunmasını anlamadığını bildirmişdi və xüsusi ittiham qaydasında şikayətdə qeyd olunan yazı “Hürriyyət” qəzetində dərc olunsa da məqalənin müəllifi İkram Rafiqoğlu deyil və Rəşad adlı yazardır:
“Əslində anlamırdım ki, bu məhkəmə prosesinin mənə nə aidiyyatı var. Lakin, Sumqayıt şəhər məhkəməsinin sədri Zeyqəm Hüseynov və İlyas Mahmudovla birincinin otağında görüşüb söhbət edəndən sonra anladım ki, sifariş və ya tapşırıq “yuxarıdan” gəlib. Məhkəmənin sədri Vüqar Qələndərov adlı şəxsi müdafiə edir. Halbuki, həmin şəxsin qanunsuz əməlləri Vergilər nazirliyi tərəfindən aparılmış yoxlamaların nəticəsi olaraq aktlaşdırılıb və sənədlər məhkəməyə təqdim edilib. Vüqar Qələndərovun prosesdə heç kim olduğunu bildirən Zeyqəm Hüseynov tapşırığın yuxarıdan gəldiyini iddia edir”.
