“Barselona”nın prezidenti Xuan Laporta argentinalı Lionel Messinin komandaya qayıtmağa yaxın olduğunu, lakin bunun baş tutmadığını açıqlayıb.
Tribunainfo.az bu barədə ESPN-ə istinadən xəbər verir.
“Messi qayıtmağa çox yaxın idi, amma biz onun niyə “İnter Mayami”yə keçmək qərarına gəldiyini başa düşürük. Atası bizə hər şeyi başa saldı və mən ona minnətdaram”, deyə Laporta bildirib.
Qeyd edə ki, Messi iyul ayında “İnter Mayami”yə keçib. O, son iki ildə PSJ-də çıxış edib. Fransa klubundan əvvəl isə “Barselona”nın formasını geyinib.
Messi iyulun 22-də “İnter Mayami”də debüt edib və Amerika komandasının heyətində ilk qolu vurub. Hücumçu Liqa Kubokunun ilk turunda “Kruz Azul”la görüşün 94-cü dəqiqəsində cərimə zərbəsindən fərqlənib. Messinin qolu “İnter Mayami”yə 2:1 hesablı qələbə qazandırıb.
