“Barselona”nın yeni idman direktoru Deko argentinalı hücumçu Lionel Messi ilə aralarındakı məsafəyə görə indi daha az ünsiyyət qurduğunu bildirib.
Tribunainfo.az “Mundo Deportivo”ya istinadən xəbər verir ki, idman direktoru futbolçunun Kataloniya klubuna qayıtmasının qeyri-mümkün olduğunu deyib.
“Biz hamımız Leonun qayıtmasını istəyərdik, lakin artıq eşitdiyimiz səbəblərə görə bu, mümkün olmadı. Messi klub tarixinin ən yaxşı oyunçusudur. Görürəm ki, o, “İnter Mayami”də xoşbəxtdir və orada olmaqdan həzz alır. “Barselona” və Leo azarkeşi kimi ona ən yaxşısını arzulayıram”, deyə Deko bildirib.
Messi 2003-2021-ci illərdə “Barselona”nın əsas komandasında çıxış edib. O, 10 dəfə İspaniya La Liqasının, 4 dəfə Çempionlar Liqasının, 7 dəfə “Kral Kuboku”nun, 8 dəfə İspaniya Super Kubokunun, 3 dəfə Avropa Super Kubokunun və 3 dəfə Klublararası Dünya Kubokunun qalibi olub. Messi iki il PSJ-də oynadıqdan sonra 2023-cü ilin yayında “İnter Mayami”yə keçib.
