15 may 2025-ci il tarixində La Liqanın 36-cı turu çərçivəsində keçirilən oyunda “Barselona” səfərdə “Espanyol”u 2:0 hesabı ilə məğlub edərək mövsüm başa çatmamış İspaniya çempionluğunu təmin edib.
Tribunainfo.az xəbər verir ki, bu, klub tarixində 28-ci La Liqa çempionluğu oldu.
Qeyd edək ki, görüşdə hesabı 53-cü dəqiqədə gənc vinger Lamin Yamal açdı. Matçın sonlarına yaxın, 90+6-cı dəqiqədə isə Fermin Lopes fərqlənərək yekun nəticəni müəyyənləşdirdi – 2:0.
Qarşılaşmada “Espanyol”un müdafiəçisi Leandro Kabera 80-ci dəqiqədə birbaşa qırmızı vərəqə alaraq meydandan kənarlaşdırıldı.
36 turdan sonra “Barselona”nın aktivində 85 xal var və komanda La Liqanın lideridir. Bu nəticə ilə “Barsa” ən yaxın izləyicilərinə çatmaq imkanı vermədən çempionluğunu rəsmiləşdirib.
Tarixi göstərici:
“Barselona” La Liqada 28-ci dəfə çempionluq yaşayıb. Turnirin tarixində yalnız “Real Madrid” daha çox çempion olub – 36 dəfə.
Növbəti oyun:
18 may tarixində “Barselona” növbəti turda “Vilyarreal” ilə qarşılaşacaq. Oyun 20:00-da (MSK) start götürəcək.
İmran Kərimli
