İki il öncə dəm qazından vəfat edən Vətən müharibəsi veteranı Məmmədov Səbuhi Ədalət oğlunun “Bank of Baku”ya 1200-ə yaxın kredit borcu olmasına görə ailəsi məhkəməyə verilib.
Tribunainfo.az Pravda.az-a istinadən xəbər verir ki, ölümündən iki il sonra Səbuhinin anası banka çağırılıb və oğlunun kredit borcunu ödəməsi tələb olunub.
Yayılan məlumatlarda “Bank of Baku”nun əməkdaşının S.Məmmədovun anasına nəzakətsiz şəkildə “Oğlunuzun borcunu ödəyin ki, o dünyada da onu inkir-minkir narahat etməsin” dediyi qeyd olunub.
Pravda.az məsələ ilə bağlı “Bank of Baku”ya sorğu ünvanlayıb.
Qeyd: S.Məmmədovun məhkəmə işinə sentyabrın 1-də Şirvan Şəhər Məhkəməsində hakim Əli İmanovun sədrliyi ilə baxılacaq.
Xatırlatma: 44 günlük Vətən mhüraibəsində iştirak edən Səbuhi Məmmədov Prezident İlham Əliyevin iyunun 24-də imzaladığı Sərəncamla “Xocavəndin azad olunmasına görə” medalı ilə təltif edilib. O həmçinin Səfərbərlik və Hərbi Xidmətə Çağırış üzrə Dövlət Xidməti tərəfindən “Hərbi vətənpərvərlik tərbiyəsində xidmətlərə görə” medalı, Əmək və Əhalinin Sosial Müdafiəsi Nazirliyi tərəfindən “Təşəkkürnamə” ilə təltif edilib. O, “Report” İnformasiya Agentliyinin əməkdaşı olub.
