“Vaqif Çərkəz oğlunun aqibətini Xocalıda cinayət törətmiş digərləri də yaşayacaq. Respublika Prokurorluğunda istintaq materialları, adlar, siyahılar var. Əli xalqımızın qanına batmış, qoca, körpə bilmədən əliyalın insanları qəddarlıqla öldürmüş terrorçular bir-bir “Laçın” postunda müəyyən edilib məsuliyyətə cəlb olunmalıdır. Bundan sonra hərbi cinayətlər törətmiş ermənilər Qarabağdan çıxmağa qorxacaq”.
Bu sözləri Tribunainfo.az-a hüquq müdafiəçisi Xəzər Teyyublu Xocalı cəlladı Vaqif Xaçaturyanın həbsi ilə bağlı söyləyib. Onun sözlərinə görə, həbs faktı separatçıları, terrorçuları, qətliamlarda iştirak edib Xankəndidə gizlənənlər üçün xəbərdarlıq oldu: “Balasanyan, Köçəryan, Sərkisyan kimilər də mühakimə edilməlidir. Ümumiyyətlə, bu fakt ermənilərə dərs oldu ki, Azərbaycan heç bir hərbi canini əfv etməyəcək. İndisə Xaçatryan törətdiyi cinayətlərə görə ömürlük həbs cəzasına məhkum olmalıdır”.
