Yasamal rayonunda iaşə obyektində dava zamanı bir nəfər xəsarət alıb.
TİA.AZ report-a istinadən xəbər verir ki, hadisə İzmir küçəsində baş verib.
Həmin küçədə yerləşən “Solfeggio Lounge & Club”da əlbəyaxa dava olub.
Gecə saatlarında 1991-ci il təvəllüdlü Rəhimov Tərlan Aydın oğlu naməlum şəxslərlə əlbəyaxa dava edib. Naməlum şəxslərdən biri ona bir neçə bıçaq zərbəsi endirib. Yaralı təcili yardım avtomobili ilə 1 saylı Kliniki Tibbi Mərkəzə yerləşdirilib.
Faktla bağlı Yasamal Rayon Polis İdarəsinin əməkdaşları hadisə yerinə cəlb edilib.
