“Ermənistan və Azərbaycan heç bir şərtlə sülh müqaviləsi imzalamağa hazır deyillər, hələ də həllini gözləyən çətin məsələlər var”.
Tribunainfo.az xəbər verir ki, bunu TASS-a müsahibəsində Rusiya Xarici İşlər Nazirliyinin MDB ölkələri üzrə dördüncü departamentinin direktoru Denis Qonçar deyib.
“Mümkün qədər tez sülhə nail olmaq öhdəliyi ilə bağlı İrəvan və Bakıdan gələn siqnallar o demək deyil ki, tərəflər istənilən şərtlərlə razılaşmağa hazırdırlar. Biz hələ də bir sıra mürəkkəb mövzular üzrə həll yollarını tapmalıyıq”, – deyə diplomat Ermənistan və Azərbaycan arasında sülhün bərqərar olmasına hansı problemlərin mane olması ilə bağlı sualı cavablandırıb.
Onun sözlərinə görə, ən mühüm məsələ Azərbaycanın qanunvericilik bazası çərçivəsində Qarabağın erməni əhalisinin təhlükəsizliyinin təmin edilməsi və hamı tərəfindən tanınmış hüquqların qorunub saxlanması məsələsidir.
“1991-ci il Almatı Bəyannaməsinin effektivliyi qarşılıqlı təsdiqindən sonra müəyyən edilib. Sazişin həyata keçirilməsi üçün beynəlxalq dəstək mexanizmi də tələb olunur ki, bu da Ermənistan və Azərbaycanın müstəqilliyini və suverenliyini şübhə altına almayacaq”, – Qonçar əlavə edib.
O vurğulayıb ki, Rusiya sülh müqaviləsinin hazırlanmasında tərəflərə fəal kömək edir.
“Ermənistan-Azərbaycan sülh müqaviləsinin hazırlanması Rusiya prezidenti Vladimir Putin, Ermənistanın baş naziri Nikol Paşinyan və Azərbaycan prezidenti İlham Əliyev arasında üçtərəfli sazişlərin elementlərindən biridir”, – MDB ölkələri üzrə dördüncü departamentinin direktoru deyib.
