“Nikol Paşinyan Ərdoğana müraciət edərək, onun vasitəçiliyi ilə Azərbaycanla tez bir zamanda sülh müqaviləsi imzalamaq istədiyini çatdırıb”.
Tribunainfo.az xəbər verir ki, bunu “Fakt” qəzeti yazıb.
Erməni nəşri qeyd edir ki, Azərbaycan və Türkiyə Paşinyanın siyasi gələcəyinin olmaması qənaətindədirlər. “Sülh sazişinin imzalanmasının yubanması da bununla bağlıdır. Onlar Paşinyandan hakimiyyətdə qalacağına dair zəmanət istəyirlər”.
Qəzet iddia edib ki, Paşinyanın İstanbul səfərindən dərhal sonra polisin İrəvanda kütləvi həbslərə başlaması bu zəmanətin kiçik bir hissəsi idi. “Yəni, o, “mənim müxalifətə gücüm çatır” mesajı sayılmalıdır”.
Fərda Uğur
