Darçın çox ətirli, dadlı və sağlamlıq üçün çox faydalı ədviyyat növüdür. Bir çox insanın sevimli ədviyyatlarından biri olan darçın, xüsusiyyətləri ilə bəzən təbii şəfa mənbəyi ola bilir. Əgər darçına qarşı allergiyanız varsa, istifadə etməzdən əvvəl həkiminizlə məsləhətləşmək faydalıdır. Tribunainfo.az darçının sağlamlıq üçün 6 faydasını təqdim edir.
XƏSTƏLİK RİSKİNİ AZALDIR
Darçındakı antioksidanlar, xəstəlik riskinizi azaltmağa kömək edə biləcək iltihab əleyhinə təsirlərə malikdir. Vücudunuza infeksiyalarla mübarizə aparmağa və toxuma zədələnməsini bərpa etməyə kömək edir.
ÜRƏK SAĞLAMLIĞINA FAYDALIDIR
Darçın xolesterol, trigliseridlər və qan təzyiqi kimi ürək xəstəliklərinə təsir edən şərtlərə qarşı yaxşı bir müdafiəçi ola bilər. Tədqiqatlar göstərir ki, gündə 1 qram və ya təxminən yarım çay qaşığı darçın 2-ci tip diabetli insanlarda qan markerlərinə faydalı təsir göstərir.
QAN ŞƏKƏRİNİ AZALDIR
Darçın qan şəkərini aşağı salan xüsusiyyətləri ilə tanınır. İnsulin müqavimətinə müsbət təsirindən əlavə, darçın digər mexanizmlər vasitəsilə qan şəkərini də aşağı sala bilər. Araşdırmalar göstərir ki, darçın yeməkdən sonra qana daxil olan qlükoza miqdarını azaldır.
BƏZİ GÖZ XƏSTƏLİKLƏRİNDƏN QORUYA BİLƏR
Bəzi tədqiqatlar göstərir ki, darçın bəzi otlarla birlikdə istifadə edildikdə konjonktivit və quru göz kimi göz xəstəliklərinin müalicəsində faydalı ola bilər. Bu baxımdan darçın və zərdəçal önə çıxır. Lakin bunu tam sübut etmək üçün daha çox araşdırmaya ehtiyac olduğu bildirilir.
İNFEKSİYALARLA MÜBARİZƏ
Darçının əsas aktiv maddələrindən biri olan sinnamaldehid infeksiyalarla mübarizə zamanı mühüm köməkçi ola bilər. Darçın istehlakı həmçinin Listeria və Salmonella kimi bəzi bakteriyaların böyüməsini maneə törədə bilər. Bundan əlavə, darçının antimikrobiyal təsiri diş çürüməsinin qarşısını almağa və ağız qoxusunu azaltmağa kömək edə bilər.
BAĞIRSAQ SAĞLAMLIĞINA YAXŞIDIR
Bəzi ədviyyatlar, o cümlədən darçın, faydalı bakteriyaların böyüməsini təşviq edən və patogen bakteriyaların böyüməsinə maneə törətməyə kömək edən prebiyotik xüsusiyyətlərə malikdir. Darçın həm də faydalı manqan mənbəyidir və az miqdarda kalsium və lif ehtiva edir.
Dəniz Pənahova
