Badamdarda sürüşmə zonasındakı çatlar gözlə görünəcək qədər artıb.
Oxu.Az-ın məlumatına görə, bunu Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.
Onun sözlərinə görə, ərazinin 20-ci sahə avtomobil yolunun sağ kənarında sürüşmə zonasında çatlar böyüyür:
“Sürüşmə kütləsi üzərində gərginlik qalmaqdadır. Evlərin hasarları istiqamətində yaxınlaşmalar var”.
Əziz Qaralov qeyd edib ki, sürüşmə kütləsinin Qərb hissəsində yaranmış çatlarda nisbi də olsa, gözlə görüləcək artım müşahidə olunur.
