İsveçrədə tanınmış rusiyalı biznesmen Platon Lebedovun 19 yaşlı qızı azərbaycanlı ilə birgə ağır yol qəzasında həlak olub.
İsveçrədə tanınmış rusiyalı biznesmen Platon Lebedovun 19 yaşlı qızı azərbaycanlı ilə birgə ağır yol qəzasında həlak olub.
TİA.AZ “Qafqazinfo”-ya istinadən xəbər verir ki, yüksək sürətlə hərəkət etdiyi ehtimal edilən BMW X6 markalı avtomobil körpüdən gölə aşıb. Qəzada ölən sürücü isə Diananın dostu olaraq təqdim edilən azərbaycanlı 23 yaşlı Azər Yaqubov olub. Şahidlər olmadığı üçün batan avtomobili tapmaq üçün bir neçə saat vaxt sərf edilib.
Rusiya mətbuatı bu qəza ilə bağlı maraqlı bir məqama diqqət çəkib. Belə ki, instagramda aktiv olan Diananın həmin sosial şəbəkədə Uels şahzadəsinin şərəfinə “Şahzadə Diana” olaraq qeydiyyatdan keçdiyini yazıb. Oxşarlıq isə sadəcə olaraq adında deyil, həm də taleyində olub. Diana Lebedeva da şahzadə Diana kimi sevgilisi ilə birgə avtomobil qəzasında həlak olur. 
