AZƏRBAYCAN XANKƏNDİ QULDURLARI ÜÇÜN “NÜRNBERQ PROSESİ” QURUR – TƏLXƏKLƏRİN SONU…

Azərbaycan özü “Nurnberq məhkəməsi” qurur. Tribunainfo.az bildirir ki, Ruben Vardanyan, David Babayan, Lyova Mnasatkanyan, David Manukyan, Arkadi Qukasyan, Bako Saakyan, Araik Arutyunyan, David İşxanyan hazırda Bakıda dəmirbarmaqlıqlar arasındadırlar və tezliklə ədalət mühakiməsinə çıxarılacaqlar. Sırada Vitali Balasanyan və digərləri olmalıdır. Biz BMT qətnamələrini, 10 noyabr sənədinin 4-cü bəndini və eləcə də İnterpolun işini öz gücümüzlə yerinə yetirdik. Ali Baş Komandan İlham Əliyevin rəhbərliyi altında Ordumuz tarix yazır, canilər tribunala çıxarılır. Halbuki onlar Haaqa tribunalına verilməlidir. Ancaq bizim Avropanın ədalətinə inamımız çoxdan sarsılıb, bu qatilləri özümüz mühakimə etməliyik. Məhkəmələr də açıq keçirilməlidir ki, xalq onların ifadələrinə şahid olsunlar.