Tbilisidə Gürcüstanın Anaklia dərin dəniz limanı və Azərbaycanın Bakı Beynəxlalq Dəniz Ticarət Limanı arasında əməkdaşlıq memorandumu imzalanıb.
Tbilisidə Gürcüstanın Anaklia dərin dəniz limanı və Azərbaycanın Bakı Beynəxlalq Dəniz Ticarət Limanı arasında əməkdaşlıq memorandumu imzalanıb.
APA-nın Gürcüstan bürosunun məlumatına əsasən, sənədi Anaklia İnkişaf Konsorsiumunun direktoru Levan Axvlediani və Bakı Beynəlxalq Dəniz Ticarət Limanı QSC-nin baş direktoru Taleh Ziyadov imzalayıb.
Anaklia limanı və Qazaxıstanın Kurık limanı arasında da analoji sənəd imzalanıb.
Limanlar arasında sazişlər Trans-Xəzər dəhlizinin inkişafı və Anaklia limanının inşası başa çatandan sonra yüklərin daşınması üçün rəqabətli şərtlərin yaradılmasına yönəlib.
Qeyd edək ki, Anaklia dərin dəniz limanının inşasına cari ilin dekabrın 20-də start veriləcək. Limanın 2021-ci ildə fəaliyyətə başlayacağı nəzərdə tutulur.
