Dəfərlərlə cərimələnən və maaşını ala bilməyən işçilər tərəfindən məhkəməyə verilən “Avrora” MMC ilə bağlı imzalanmış cərimə protokoluna baxııacaq tarix məlum olub.
Tribunainfo.az xəbər verir ki, şirkət İnzibati Xətalar Məcəlləsinin 326-cı maddəsini pozub. Tələbi pozulan maddəyə əsasən, sərnişin və yük daşımalarını yerinə yetirən avtonəqliyyat vasitələrinin texniki vəziyyətinin reysqabağı yoxlanılmasının, həmin avtonəqliyyat vasitələrinin sürücülərinin reysqabağı və digər zəruri tibbi müayinəsinin təşkil edilməməsinə görə, vəzifəli şəxslər yüz əlli manatdan iki yüz manatadək məbləğdə, hüquqi şəxslər iki min manatdan üç min manatadək məbləğdə cərimə edilir.
Şirkətlə bağlı işə Binəqədi rayon Məhkəməsində baxılır. 3 mart tarixində hakim Vüsal Tağıyevin sədrliyi ilə işlə bağlı növbəti proses keçirilcək.
Qeyd edək ki, cərimələnməsi gözlənilən “Avrora” MMC bir çox beynəlxalq şirkət, zavod və fabrikin partnyorudur. Şirkətin portfoliosuna “Danone”, “Ehrman”, “Rolton”, “KraftHeinz”, “Carsberg”, “Diageo” şirkətlər daxildir.
“Avrora” MMC-nin prezidenti Ceyhun Abbasovdur.
Tərəfləri dinləməyə hazırıq.
Gülşən
