Tekirdağda mübahisə etdiyi həyat yoldaşı Elif Dimi (38) döyərək öldürən və qaçan Həsən Dim (45) jandarma əməkdaşlarının təşkil etdiyi əməliyyatla yaxalanıb.
Tribunainfo.az Milliyet-ə istinadən xəbər verir ki, şəhərdə çiy küftə dükanı sahibi olan Həsən Dim Süleymanpaşa mahalının Çınarlı məhəlləsindəki evində iki uşağının anası həyat yoldaşı Elif Dimlə mübahisə edib.
Həsən Dim evdə uşaq olmadığı halda mübahisə zamanı həyat yoldaşını döyərək öldürüb. Evdən çıxan Dim məhəllədəki kafedə əyləşən 17 yaşlı oğlunun yanına gedərək “ananı öldürmüşəm, get evə bax” deyib, sonra çıxıb gedib. Oğlu evə gedib anasının cansız cəsədini görəndə vəziyyəti polisə xəbər verib.
