Rusiya mediası illər sonra müğənni Alla Puqaçovanı öldürmək istəyən Anatoliy Nağıyev haqqında məlumat yayıb. Bildirilir ki, A.Nağıyev 1958-ci ildə anadan olub. O, atletik gimnastika ilə faəl məşğul olub. Lakin uşaqlıqdan xaraktercə aqressiv olub. 17 yaşında Anatoliy qadın zorladığı üçün həbs edilib. Həbsxanada nümunəvi davranışına görə vaxtından əvvəl azadlığa buraxılıb. Həbsdən çıxan kimi o, Moskvaya yollanıb. Məqsədi isə ilk albomu çıxan müğənni Alla Puqaçovanı taparaq onu öldürmək olub.
O, bu görüşə görə çox ciddi hazırlaşır. Puqaçovanın yaxınlarından onun haqqında məlumat toplayır. Konsertlərinə gəlir. Qastrollarının vaxtını öyrənir və ona yaxınlaşmağa cəhd edir. 1978-1979-cu illərdə Anatoliy bir neçə dəfə Moskvaya gəlir. Gözəl kostyumlar geyinən Antoliy Puqaçovaya gül dəstələri göndərir. Bir gün Puqaçova özü ona vizitka verərək görüşməyə razı olur.
İstintaq materiallarında yazılır ki, Anatoliy bütün gecəni Puqaçovanı binanın giriş qapısında gözləyir, amma o, gəlmir. Qəfildən görür ki, Puqaçova binanın o biri girişindən girdi. Liftə minən Puqaçovanın arxasınca gedən Anatoliy onu tapa bilmir və :Puqaçova hara getdi?” deyərkən səsə binanın qapıçısı çıxaraq onu yolundan saxlayır.
O, 1980-ci ildə yaşadığı Kurskuyu vilayətinə qayıdır. Bir müddət sonta Xarkov-Moskva qatarında dörd qızı zorlayaraq qətlə yetirir. Onlardan ikisi qatar bələdçisi, ikisi isə sərnişin olur. Öldürdükdən sonra isə onların meyitlərini qatarın pəncərələrindən bayıra tullayır. Anatoliy müstəntiqlərə ifadəsində bildirir ki, onların hər birini Puqaçova kimi görür. Bu qətldən sonra onun haqqında güllələnmə hökmü çıxarılır.
