Agentlik İsgəndər Mahmudovun şirkəti ilə yarım milyonluq müqavilə imzaladı – Sanksiya siyahısındadırbackend

Agentlik İsgəndər Mahmudovun şirkəti ilə yarım milyonluq müqavilə imzaladı – Sanksiya siyahısındadır

  • whatsapp
  • messenger
  • telegram
  • vkontakte
  • odnoklassniki

Azərbaycan Dövlət Turizm Agentliyi Rusiyanın “OOO Aeroekspress Media” şirkəti ilə satınalma müqaviləsi imzalayıb.
Yeniavaz.com xəbər verir ki, bir mənbədən satınalma metodu əsasında imzalanan müqavilənin ümumi dəyəri 484 min 501 manat 37 qəpik təşki edir.
Müqavilənin şərtlərinə görə, “OOO Aeroekspress Media” şirkəti Dövlət Turizm Agentliyinin sifarişi əsasında Rusiyada “Aeroexpress” qatarları üzərində, eləcə də hava limanlarında yerləşən dəmiryolu vağzallarının platforma sütunlarında və sütunların yanında yer alan asılqan lövhələrdə təbliğat xarakterli məlumatlar yerləşdirəcək.
Məlumat üçün bildirək ki, “OOO Aeroekspress Media” şirkətinin əsas sahiblərindən biri özbək əsilli Rusiya milyarderi İsgəndər Mahmudovdur. “Forbes” nəşrinin hazırladığı “Dünyanın ən zəngin insanları” siyahısında 312-ci sırada olan İsgəndər Mahmudovun 8,3 milyard dollar sərvəti olduğu bildirilir.
Qeyd edək ki, İsgəndər Mahmudova Rusiyanın “mis kralı” deyilir. Ruisyada mis istehsalının təxminən yarısı İsgəndər Mahmudova bağlı şirkətlərin nəzarətindədir.
Onu da bildirək ki, İsgəndər Mahmudov ABŞ tərəfindən sanksiya tətbiq edilən rusiyalı iş adamları arasında yer alır. Dövlət Turizm Agentliyinin müqavilə imzaladığı “OOO Aeroekspress Media” şirkəti isə Ukraynanın sanksiya tətbiq etdiyi şirkətlərdən biridir.