Respublikaçı senatorlar Mark Rubio, Din Heller və Ted Kruz ABŞ-ın Tel-Əvivdəki səfirliyinin Qüdsə köçürülməsi üçün qanun layihəsi hazırlayıblar.
Respublikaçı senatorlar Mark Rubio, Din Heller və Ted Kruz ABŞ-ın Tel-Əvivdəki səfirliyinin Qüdsə köçürülməsi üçün qanun layihəsi hazırlayıblar.
TİA.AZ xəbər verir ki, Tramp bundan öncə təşviqat kampaniyası zamanı İsraili ABŞ-a ən yaxın dost adlandırmış və prezident seçiləcəyi təqdirdə Qüdsü İsrailin paytaxtı kimi tanıyacağını bildirmişdi. Keçən ay isə Trampın baş müşaviri Killian Konvey də Amerikanın Tel-Əvivdəki səfirliyinin Qüdsə köçürülməsinin Trampın əsas prioritetlərindən biri olduğunu açıqlamışdı.
İsrail Qüdsü öz paytaxtı sayır. Tel-Əvivlə bərabər Fələstin də bu şəhərə iddia edir. İslam dünyası isə Qüdsün İsrail paytaxtı olmasına kəskin etiraz edir. Amerika artıq 1995-ci ildə Qüdsü İsrailin paytaxtı kimi tanıyıb, amma nə Bill Klinton, nə Corc Buş, nə də Barak Obama Amerika səfirliyinin Qüdsə köçürülməsinə imkan verib. Səbəb kimi isə təhlükəsizlik məsələsi önə çəkilib.
