II dünya müharibəsinin 112 yaşlı veteranı Riçard Overton dekabrın 27-də ABŞ-da dünyasını dəyişib.
TİA.AZ xəbər verir ki, Riçard Overton həm də ABŞ-ın ən yaşlı sakinlərindən biri idi. Bir qədər əvvəl o, ağciyərlərin iltihabı səbəbindən xəstəxanaya yerləşdirilmişdi.
1906-cı il mayın 11-də Texas ştatında anadan olmuş Overton müharibə illərində Yaponiya aviasiyasının hücumu zamanı Perl-Harbor adasında xidmət etmişdi. 2013-cü ildə ABŞ administrasiyasının rəhbəri Barak Obama tərəfindən veteranlar günü münasibətilə Ağ evdə keçirilən mərasimə dəvət olunmuşdu.
