Abşeron Rayon İcra Hakimiyyətinin başçısı Abdin Fərzəliyevin tikintisinə icazə verdiyi daha bir qanunsuz tikilinin sökülməsi üçün məhkəməyə müraciət olunub.
Tribunainfo.az xəbər verir ki, bununla bağlı “Unibank” məhkəmədə iddia qaldırıb. Vətəndaş Əhmədova Münəvvər Xasay qızına qarşı qaldırılan iddia torpaq mübahisəsi ilə bağlıdır.
İşin mahiyyəti qanunsuz tikilinin sökülməsi, torpaq mübahisəsi və torpaq sahəsinin boşaldılmasıdır. İşə Abşeron Rayon Məhkəməsində hakim Elman Məmmədovun sədrliyi ilə baxılacaq.
“Unibank”ın iddiası təmin olunarsa, A.Fərzəliyevin icazə verdiyi daha bir qanunsuz tikili söküləcək.
