Xəzər rayonu Türkan qəsəbəsində yaşayan 76 yaşlı Səlmi xanım hər kəsi təəccüləndirib.
O, 25 ildir ki avtomobil idarə edir. Bu barədə o özü İTV-yə açıqlamasında bildirib.Şən və gümrah olan Səlmi xanım ilk dəfə sürücülüyə başlayanda oğlunun etiraz etdiyini lakin sonradan bunu qəbul etdiyini bildirib:
“Lap əvvəldən istəmişəm öz maşınım olsun onu idarə edirm. Ruhən özümü cavan hiss edirəm. Həyata bağlı insanam. 51 yaşından maşın sürürəm. Artıq 25 ildir. Bu mənim 4-cü avtomobilimdir. Mexanikadır. İlk maşınım mavi rəngli “VAZ 21-06″ olub. Mən bu yaşımda bu qəsəbədə maşın sürürəm. Sürücülüyə yeni başlayanda oğlum etiraz etdi, amma sonra öyrəşdi”.
