Sumqayıt şəhərinin 75 illik yubileyi münasibətilə şəhər xüsusi bəzədilib.
Tribunainfo.az xəbər verir ki, bu gün yuboleyini qeyd edək Sumqayıta 1949-cu il noyabrın 22-də şəhər statusu verilib. Sumqayıt ötən dövr ərzində zəngin inkişaf yolu keçərək Cənubi Qafqazın ikinci böyük sənaye mərkəzinə çevrilub. İri müəssisələr şəbəkəsinin və müvafiq infrastrukturun formalaşması şəhərin mədəniyyət, elm, təhsil, səhiyyə, idman və digər sahələrdə tərəqqisinə güclü təkan verib. Bu gün Sumqayıt qazandığı uğurları ilə Azərbaycanın iqtisadi qüdrətinin daha da artırılmasında yaxından iştirak edir, ölkənin mədəni və intellektual potensialının gücləndirilməsinə töhfələr verir.
Bu il noyabr ayında Sumqayıtın şəhər statusu almasının 75 illiyi tamam olur. Bununla bağlı Sumqayıt şəhər İcra Hakimiyyəti tərəfindən geniş tədbirlər planı hazırlanıb və yubiley çərçivəsində şəhərdə bir sıra tədbirlər həyata keçirilir. Bu tədbirlərdən ən diqqətçəkəni isə Sumqayıtın möhtəşəm gecə görüntüləri ilə bəzədilməsi olub.
Şəhərin əsas küçə və prospektlərinə xüsusi işıqlandırma quraşdırılıb, parklar, mərkəzi meydanlar və digər ictimai məkanlar yeni dekorativ elementlərlə göz oxşayır.
Sumqayıtın yeni işıqlandırılmış mənzərələri sakinlərin və qonaqların diqqətini cəlb edir. Şəhərin müxtəlif yerlərində quraşdırılan işıq effektləri və dekorativ elementlər şəhərə yeni rəng qatır.
Gülşən İbrahim
