Türkiyənin Bursa şəhərində itdikdən 47 gün sonra meyiti zeytun bağında tapılan 22 yaşlı Nevrigül Alanın ölümünün sirri üzə çıxıb. Tribunainfo.az-ın xəbərinə görə, Gemlik Respublika Prokurorluğu Nevrigül Alanın ölümü ilə əlaqədar istintaqı tamamlayıb. Yarılma, əldə edilən dəlillərin tədqiqi və DNT testlərindən hadisənin intihar olduğu məlum olub.
Prokurorluq Alanın bədənindəki tüklərdən DNT nümunələri götürüb və ərazidə geniş araşdırma aparıb. Nevrigül Alanın cəsədi yerə endirilməmişdən əvvəl ağaca və asılmış materiala baxan bir şəxsə aid DNT dəlili olmadığı halda, onun intihar etdiyi üzə çıxıb. Digər tərəfdən, yarılmada işə baxan prokurorun da qatıldığı öyrənildi.
Nevrigülün cəsədi və yanından tapılan 2 ədəd cib telefonu, çiyin çantası, alışqan, şarj cihazı, qulaqlıq, toka, pul, dərman və spirt şüşələri hadisə yeri qrupları tərəfindən araşdırılıb. Ətraflı iz araşdırması nəticəsində məlum olub ki, ərazidəki itlər çantanı eşələyiblər.
Digər tərəfdən Alanın telefonları yoxlanılanda onun psixoloji narahat olduğu, intihar mesajları göndərdiyi və boşanma prosesində olduğu həyat yoldaşı Fevzi Alana intihar məktubu qoyduğu müəyyən edilib. Araşdırmalar çərçivəsində Nevrigül Alanın intihar etdiyi məlum olub.
Bildirilib ki, hadisə yerinin aşkarlanması zamanı gənc qadının başmaqlarına baxış keçirilib, çantanın üzərindəki izlər və meyitin yanından tapılan qulpunun çantanın heyvanlar tərəfindən sürükləndiyi müəyyənləşdirilməsini gücləndirib. Qeyd edək ki, Müge Anlının proqramında günlərlə Alanın intiharı müzakirə olunub.
