2018-ci ildə Rusiyada təşkil olunacaq dünya çempionatında iştirak edəcək daha bir komandanın adı bəlli olub.
2018-ci ildə Rusiyada təşkil olunacaq dünya çempionatında iştirak edəcək daha bir komandanın adı bəlli olub. TİA.AZ saytının məlumatına görə, Misir yığması mundiala vəsiqəni təmin edib.
Seçmə mərhələnin III raundunun 5-ci turunda Konqonu 2:1 hesabı ilə yenən misirlilər sona bir tur qalmış E qrupunun qalibi olub.
Qeyd edək ki, Misir DÇ-2018-ə vəsiqə qazanan 15-ci komandadı. Onlara qədər təşkilatçı Rusiya, eləcə də Braziliya, İran, Yaponiya, Meksika, Cənubi Koreya, Səudiyyə Ərəbistanı, Belçika, Almaniya, İngiltərə, İspaniya, Nigeriya, Kosta-Rika, Polşa yığmaları dünya çempionatında oynamaq hüququ qazanmışdı.
