Astana sakini Yevgeni Rura paytaxt ətrafında inanılmaz gəzintiyə çıxıb: 23 saat ərzində o, 105 kilometrdən çox məsafə qət edib, yolda yalnız qısa müddət dayanıb.
Tribunainfo.az xəbər verir ki, Yevgeni bu ilin əvvəlində artıq çəki ilə mübarizə aparmağın vaxtının gəldiyini anlayanda gəzməyə maraq göstərib. Oturaq həyat tərzi, qeyri-sağlam qidalar, oturaq iş – bütün bunlar sağlamlığa mənfi təsir göstərirdi.
“Xüsusilə məni narahat edəm mədəm idi.Və mən təcili olaraq vəziyyəti düzəltməyə qərar verdim.
Facebook-da Dmitri Kaminskinin təşkil etdiyi və “Milyon addım”( «Миллион шагов») adlı piyada gəzintini sevənlərin icması haqqında məlumat aldım. Və onlara qoşuldum. Əvvəlcə gündə 5-6 min, sonra 15 min addım gəzdim.
– İlk rekordumu apreldə qoymuşam – gündə 40 min addım. Ayaqlarım çox ağrıyırdı! May ayında onu 100 minə çatdırmaq qərarına gəldim. Qrupdan başqa bir qızla səhər dörddə çıxıb axşam altıda qayıtdıq. Ancaq bu, cəmi 60 kilometr idi”, – deyə gəzinti həvəskarı xatırlayır.
İyun ayında o, nəhayət gündə 100 min addım hədəfinə çatdı. O sadəcə xoşbəxt idi!
– Çox çətin idi! Əvvəlcə yatmaq istədim, sonra isti oldu, yağış yağmağa başladı. Ancaq qrupdakı dostlarım və həyat yoldaşım məni dəstəklədilər – söhbətdə kampaniyamı izlədilər və məni ruhlandırdılar “-deyə Yevgeni davam edir.
“İyul ayında isə bir ay ərzində arzusunda olduğum milyon addımı qət etməyi bacardım. Bu vaxta qədər heç bir pəhriz olmadan çəkim 67 kiloqrama düşmüşdü. Ancaq öz rekordumu qırmaq arzusu mənə rahatlıq vermirdi.
Sentyabrın 10-da, ümumiyyətlə, uzun məsafələr üçün geyilməsi məsləhət olmasa da yeni idman ayaqqabılarını geyinərək yola düşdüm. Əvvəlcə evimin yaxınlığında gəzirdim ki, nəsə olarsa, ayaqqabılarımı dəyişə bilim. Lakin krassovkalarım məni məyus etmədi.
Gecə yarısı yola düşdüm və ilk altı saat ərzində demək olar ki, istirahət etmədən çox sürətlə getdim. Saat 6.15-də evə gəldim, yedim və təsadüfən 40 dəqiqə yatdım, nə yaxşı ki, qızımı məktəbə aparmalı oldum, məni oyatdılar”, -deyə o gülərək deyir.
Sonra o müəyyən bir marşrut olmadan , bəzən ən gözlənilməz yerləri gəzərək vaxtaşırı yemək üçün evə qayıdıb:.
“Axşam səkkizdə çox yorğun idim, sürət saatda üç-dörd kilometrə düşdü. Ancaq saat 23:00-a qədər rekorduma çatdım – 105,6 kilometr piyada getdim! 24 saata hələ bir saat qalmışdı, ilbiz sürəti ilə yeriyə bilərdim, amma bu ehtiyatı gələn ilə saxladım ”, – Yevgeni əminliklə deyir.
İmran Kərimli
Tribunainfo.az
