Məşhur amerikalı teatrşünas, rejissor Riçard Şehner 1992-ci ildə demişdir:
“Bizim tanıdığımız və tətbiq etdiyimiz teatr – yazılı dramın təşkili – 21-ci əsrin simli kvarteti olacaq”.
O vaxtdan 32 il keçib. Bəs o vaxtdan bəri nə dəyişdi, amerikalı teatrşünasın proqnozlaşdırdığı kimi teatr həqiqətən ölüb, yoxsa hələ də yaşayır və nəfəs alır?
Beləliklə, teatrın bu gün də vacib olmasının aşağıdakı 7 səbəbini təqdim edirik:
1.Hər şeydən əvvəl biz insanlarıq
Teatr tamaşaları hər bir cəmiyyətdə və dünyanın hər yerində mövcud olan mədəni bir hadisədir. İnsan planetdə teatr oynayan yeganə varlıqdır. Teatrı anlamaq isə insan olmağın nə demək olduğunu anlamağa kömək edir.
2.Özünü ifadə etmək
Teatr bizə özümüzü daha effektiv ifadə etməyi öyrədir ki, bu da düşüncələrimizi və hisslərimizi başqalarına çatdırmaq qabiliyyətimizi inkişaf etdirir, münasibətləri və ətrafımızdakı dünyanı qavrayışı yaxşılaşdırır.
3.Özünü tanımaq
Teatr özünü daha yaxşı tanımağa kömək edir. Bu, bizə özümüz üçün düşünmək, eləcə də başqalarının fikirlərini müşahidə etmək imkanı verir. Bu, yaşadığımız mühitin kim olduğumuza və kim olacağımıza necə təsir etdiyini görməyə kömək edir.
4.Tarix
Teatr tarixi öyrənmək üçün gözəl bir yoldur. Teatr tarixi tozlu dərslikdən oxuyub öyrənmək əvəzinə, tarixin gözümüzün qabağında canlanmasına şərait yaradır. Bəzən çox gülməli ola bilər.
5.Qloballaşma
Teatr mədəniyyəti bizimkindən fərqli olan insanları anlamağa kömək edir. Biz onların teatr tamaşalarına baxaraq dünyanın müxtəlif ölkələrinin mədəniyyətlərindən olan insanlar haqqında çox şey öyrənə bilərik. Bizim daha az etnosentrik olmaq və başqalarını daha çox qəbul etmək imkanımız var.
6.Sosial dəyişiklik
Teatr cəmiyyətin özünə güzgü kimi baxdığı mədəni məkandır. Bu, cəmiyyətin üzləşdiyi problemləri öyrənib onları həll etməyə çalışa biləcəyimiz bir yerdir
7.Təhsil
Teatr öyrənmək üçün gözəl bir yoldur. Teatra getməklə biz gündəlik həyatda rast gəlmədiyimiz insanlar, yerlər və ideyalar haqqında daha çox məlumat əldə edirik.
8.Yaradıcılıq
Teatr bizə yaradıcılığımızı inkişaf etdirməyə imkan verir. Bizim təhsil sistemimiz texnologiya, mühəndislik və riyaziyyat kimi ağır elmlərə daha çox önəm verdiyi üçün biz incəsənətin əhəmiyyətini unutmamalıyıq!
İmran Kərimli
Tribunainfo.az
