Ramazanda kökəlmə, həzmsizlik və mədə yanması yaşamamaq üçün təkliflər verən Prof. Dr. Gülbanu Canbaloğlu “Sahur səhər yeməyini əvəz etməlidir. Sahura qalxmamaq və ya sahurda yalnız su içmək orucluqda şəkərin tez düşməsinə, günə hazırlıqsız başlamasına, gün ərzində yorğunluğuna səbəb olur”.
Tribunainfo.az CNN-ə istinadən xəbər verir ki,
Prof. Dr. Gülbanu Canbaloğlu, oruc tutanların balanslı və sağlam qidalanmalarının vacib olduğunu ifadə edərək, “Qidalanma planımızda su, taxıl, sağlam zülal, tərəvəz, meyvə və sağlam yağlar yer almalıdır. Süd məhsulları gündə 1-2 porsiya istehlak edilməlidir. Şəkərli içkilərdən çəkinmək lazımdır. Tərəvəz istehlakı da vacibdir, lakin kartofdan uzaq durmaq sağlamlıq üçün daha faydalı olardı.
Trans yağ yerinə zeytun yağına üstünlük verilməlidir. Yeməklərin bişirilmə üsulları da vacibdir. Bundan əlavə, yeməyi tez yeməkdən qaçınmalı və yaxşıca çeynəməlisiniz. Sahur səhər yeməyini əvəz etməlidir. Sahura qalxmamaq və ya sahurda yalnız su içmək orucluqda şəkərin tez düşməsinə, günə hazırlıqsız başlamasına, gün ərzində yorğunluğuna səbəb olur. “Əgər sahur yeməyi ağır yeməklərdən ibarətdirsə, gecə saatlarında maddələr mübadiləsi sürəti azaldıqca kökəlmə riski də artır.
1. Ramazan ayında 2 əsas yemək və 2 qəlyanaltı qaydasına əməl edilməlidir. Ramazan ayında yeməklərinizi ümumiyyətlə sahur, iftar və iki qəlyanaltı olaraq təşkil edə bilərik. Qəlyanaltılar üçün meyvə, qatıq və orta miqdarda qoz-fındıqlara üstünlük verilə bilər.
2. Mədəni narahat etməmək və artıq kalorinin qarşısını almaq üçün ən yaxşı bişirmə üsulları qril, soba, qaynatma və ya buxarda bişirməkdir. Həddindən artıq yağ qəbuluna səbəb olacaq qızartma və qovurma üsullarından qaçınılmalıdır.
3. Toxluq siqnalı beynə 20 dəqiqəyə çatır. Yeməyi tez istehlak etməkdən çəkinməli, yavaş-yavaş və hərtərəfli çeynəməlisiniz.
4. İftar süfrəsi sahur süfrəsi qədər önəmlidir, kəmiyyət və yemək çeşidi baxımından həddindən artıq aşmaq düzgün deyil. Ənənəvi olaraq su, xurma və ya zeytun ilə iftar etdikdən sonra şorba içmək və təxminən 15 dəqiqədən sonra əsas yeməyə keçmək düzgün seçimdir.
5. Sahura qalxmaq mütləq lazımdır. Unutmaq olmaz ki, sahur üçün yalnız su içmək niyyəti zərərlidir. Bu sayədə gün ərzində ehtiyacınız olan qidaları tək bir yeməyə yükləməyəcəksiniz.
6. Maye istehlakına diqqət yetirilməlidir. Oruc tutanlar iftarla sahur arasında orta hesabla 10 stəkan su içməlidirlər. Suyun asan istehlakı üçün hər saatda 1-2 stəkan su içməyə cəhd edə bilərsiniz. Suyu limon, nanə yarpağı, darçın qabığı və mixəklə dadlandırmaqla içməyi asanlaşdırmaq olar. Gün ərzində baş verən mineral və elektrolit itkilərini kompensasiya etmək üçün iftardan sonra bir şüşə adi mineral su istehlak edilə bilər.
7. Ramazanda istehlak edilən çay və qəhvə miqdarını şişirtmək olmaz, çay və qəhvə iftardan bir saat sonra istehlak edilməlidir. İftarda yeməklərlə birlikdə istehlak edilən çay və qəhvə dəmirin udulmasını azaltdığından, açıq çay və ya qəhvə iftardan 1 saat sonra içilə bilər.
8. İftardan sonra yüksələn qan şəkərimiz bizdə şirniyyat yemək istəyi yarada bilər. Bu zaman şərbət, un və şokoladlı desertlər yerinə meyvəli və südlü qəlyanaltıları seçmək məqsədəuyğun olardı.
9. Ramazanda qəbizlik probleminə diqqət yetirək. Pəhriz dəyişikliyi və hərəkətdə azalma nəticəsində yarana biləcək qəbizliyin qarşısını almaq üçün yeməklər üçün yüksək lifli qidalara, qəlyanaltılar üçün isə quru meyvələrə və qoz-fındıqlara üstünlük verilməlidir.
10. Uzun müddət ac qalmaq immun sistemimizin zəifləməsinə səbəb olur, immunitet sistemini gücləndirəcək qidaları qəbul etməyə diqqət etməliyik. Ramazan ayında immunitet sistemimizi gücləndirmək üçün tərkibində C vitamini, omeqa 3, probiyotiklər, D vitamini olan qidalar və zəncəfil, zerdeçal kimi ədviyyatlardan istifadə etməliyik. Oruc tutarkən immun sisteminizi gücləndirən A və C vitaminləri kimi antioksidan vitaminlərlə zəngin olan portağal, naringi, alma kimi meyvələrlə yanaşı kök, brokoli, balqabaq, kələm, cəfəri kimi tərəvəzləri də istehlak etmək vacibdir.
