İndoneziyanın paytaxtı Cakarta və Yava adasının bəzi ərazilərində elektrik kəsintisi müşahidə edilib.
Qaynarinfo xəbər verir ki, elektrik stansiyasında baş verən texniki problem ümumilikdə 10 milyon insanın işıqsız qalmasına səbəb olub.
Problem 8 saat davam edib və ölkədəki bir çox xidmət sahəsinə təsir göstərib. Cakartada yeni fəaliyyətə başlayan metro stansiyası bağlanıb. Metroda qalan sərnişinlər təxliyə edilib. Svetoforların işləməməsi nəqliyyatda sıxlıq yaradıb.
